ವೇಷ ಒಂದೇ ನಾಮ ಹಲವು

ಪೂಜಿಸಲು ಆಯಿತು ಅರಳಿ ಕಟ್ಟೆ
ವಾಗ್ವಾದಗಳಿಗೆ ಆಯಿತು ಪಂಚಾಯತಿ ಕಟ್ಟೆ
ಸಾಯಂಕಾಲಕ್ಕೆ ಆಯಿತು ಹರಟೆ ಕಟ್ಟೆ
ನಾಮ ಬದಲಾಯಿತು ಬದಲಿಸದಿದ್ದರೂ ತನ್ನ ಬಟ್ಟೆ

ಯಾವುದು ನನ್ನದು?

ಗಳಿಸಿದ ಹೆಗ್ಗಳಿಕೆ  

ಹಿಡಿದ ಬಿಕ್ಕಳಿಕೆ  

ಯಾವುದೂ ಶಾಶ್ವತವಲ್ಲ.. 

 

ನಿದ್ರೆ ನಿನ್ನದಲ್ಲ  

ನೀನು ನಿದ್ರೆಯದು  

ನಿದ್ರೆ ಕನಸಿನದು  

ಕನಸು ಕಣ್ಣಿನದು  

ಕಣ್ಣು ಕಂಡಿದ್ದು  

ಕಂಡಿದ್ದು ಪರರದು  

ಪರರು ನಿನ್ನದಲ್ಲ  

ಅದಕ್ಕೆ ಖಾಲಿ ಕೈಲಿ ಬರೋದು  

ಖಾಲಿ ಕೈಲಿ ಹೋಗೋದು.. 

 

ಅಲ್ಲಿಯವರೆಗೂ ನಿನ್ನ ದೇಹ, ಯೋಚನೆ ಹೊರತು  

ಎಲ್ಲ ಪರರದು..  

ಒಮ್ಮೊಮ್ಮೆ ಸ್ವಂತ ಮರ್ಯಾದೆಯೂ ನಿನ್ನ ಕೈಲಿರೋಲ್ಲ.